விக்ரம் சாராபாய்-அறிவியல் நாயகன் !


விக்ரம் சாராபாய் என்கிற பெயரை உச்சரிக்கிற பொழுதே பெருமிதம்
கொள்ளவேண்டும் ஒவ்வொரு இளைஞனும்,இந்திய தேசத்தின் கனவுகளைக் கட்டமைத்த இளைஞர் கூட்டத்தில் அறிவியல் துறையில் மாபெரும் முன்னோடியாகத் திகழ்ந்தவர்
இவர். இவரின் திருமணத்தின் பொழுது இவர் வீட்டில் இருந்து கலந்து கொள்ள யாருமே இல்லை -வெள்ளையனே வெளியேறு இயக்கத்திற்காகப் போராடி எல்லாரும் சிறை
சென்று இருந்தார்கள் ,கேம்ப்ரிட்ஜில் படித்து முடித்து விட்ட
சி.வி.ராமனிடம் ஆராய்ச்சி மாணவராகச் சேர்ந்த இவர் தன் ஆய்வுகளைக் காஸ்மிக் கதிர்களைச் சார்ந்து செய்தார்.

நாட்டிற்கு அறிவியல் சார்ந்த பார்வை தேவை என நேரு வாதிட்ட பொழுது இந்திய விண்வெளி கழகத்தை அமைத்தார் சாராபாய் . அதற்காகத் தாராள நிதியை அரசிடம் இருந்து வாதாடிப்பெற்றார். பல்வேறு கனவுத்திட்டங்களுக்கான விதைகளை ஊன்றி, இளைஞர்களை அறிவியல் துறைக்கு வர ஊக்குவித்தார்.

ஹோமி ஜஹாங்கீர் பாபாவின் மறைவுக்குப் பின் இந்திய அணுசக்தி துறைக்கான பொறுப்பையும் ஏற்று
செயல்பட்டார் .கல்பாக்கத்தில் Faster Breeder Test Reactor
(FBTR),கொல்கத்தாவில் சைக்ளோட்ரான் திட்டம், இந்திய யூரேனிய கழகம் ஆகியவற்றையும் உருவாக்கி சாதித்தார். தும்பாவில் ராக்கெட் ஏவுதளமும் இவரால் உருவாக்கப்பட்டது

தனது குடும்பத்தினர் நிர்வகித்து வந்த சாராபாய் குழும நிறுவனத்திற்கு உதவும் பொருட்டு பரோடாவை மையமாகக் கொண்டு `Operations Research Group (ORG)’ என்கிற சந்தை ஆய்வு (Market Research) நிறுவனத்தை 1963 ல் ஆரம்பித்தார். ரீடெயில் ஆடிட் என்கிற சந்தை ஆய்வு முறையை இந்தியாவில் அறிமுகப்படுத்திய முன்னோடி நிறுவனம் இது.

இன்றைக்கு உலகஅளவில் கவனம் பெறும் இந்திய மேலாண்மை மையங்களுள் முதன்மையான ஐ.ஐ.எம். அகமதாபாத் இவரின் உருவாக்கமே. அன்றைய குஜராத் முதல்வர் ஜீவராஜ் மேத்தா ஆதரவில் கஸ்தூரிபாய் லால்பாய் அவர்களோடு இணைந்து ஐ.ஐ.எம். மை நிறுவினார். மத்திய, மாநில அரசுகள், உள்ளூர் தொழிலதிபர்கள், போர்ட் அமைப்பு, ஹார்வர்ட் பிசினஸ் ஸ்கூல் ஆகியவற்றின் ஒத்துழைப்போடு இதனை நிறுவினார்.

விண்வெளிப்பயணங்கள் மாதிரியான
விலை மிகுந்த பயணங்கள் இந்தியா மாதிரியான ஏழை நாட்டுக்கு தேவையா என்கிற கேள்விக்கு இப்படிப் பதில் சொன்னார் சாராபாய் :

“முன்னேற்றப்பாதையில் தற்போது தான் பயணிக்க ஆரம்பித்திருக்கிற ஒரு தேசத்துக்கு விண்வெளிப்பயணம் தேவையா என்று வினாக்கள் எழும்புகின்றன. இரு
வேறு எண்ணங்கள் இல்லாமல் உறுதியாக நாங்கள் இந்தப் பயணத்தை முன்னெடுத்து இருக்கிறோம். நிலவை நோக்கியோ,கோள்களைக் கண்டறியவோ, மனிதர்களை விண்ணுக்குக் கொண்டு செல்லும் பணக்கார நாடுகளோடு போட்டி போடுவதற்கான கனவுகள் இல்லை இவை ! பொறியியல் மற்றும் விஞ்ஞான நுணுக்கங்களைச் சராசரி மனிதனின் சிக்கலை தீர்ப்பதிலும் ,சமூகப் பிரச்சனைகளைச் சரி செய்வதற்காகவும் தான் இந்தக் கனவு அமைப்பு. உலகச் சமூகத்துக்கு எந்த வகையிலும் பின்தங்கிவிடக்கூடாது என்பதை
கருத்தில் கொண்டு தேசத்தின் நலனுக்காக மேற்கொள்ளப்படும் ஒரு அர்த்தமுள்ள இது !”

ஐம்பத்தி இரண்டு வயதில் மறைந்து போன இந்தத் தீர்க்கதரிசியின் கனவுகளின் வெற்றிகள் தான் இன்றைக்கு இந்திய விண்வெளி மற்றும் அணுசக்தியில் பெற்று இருக்கும் இடம் .

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s