தாஜ்மகால்-தாகூர்


உனக்குத் தெரியும் ஷாஜகானே
வாழ்வு, வாலிபம்
செல்வம், புகழ்
எல்லாம் காலவெள்ளத்தில் கடந்து போகும என
அதனால் தானே உன் இதயத்துத் துயரத்தை மட்டும் உலகுள்ளவரை
உயிர்த்திருக்கப் போராடினாய்
வைரம், முத்து, மாணிக்கத்தின் பேரழகு
வானவில்லின் பளபளப்பு போல மின்னி மறையட்டும்
தாஜ்மகாலெனும் கண்ணீர்த்துளி காலத்தின் கன்னத்தில் காலத்துக்கும் ஒளிரட்டும்.
Image may contain: outdoor
 
ஓ வேந்தனே நீ உயிரோடு இல்லை
கனவைப்போல உன் பேரரசு காணாமல் போனது
உன் அரியாசனம் சிதறிப்போய்க் கிடக்கிறது
உன் கந்தர்வர்கள் கானம் இசைப்பதில்லை
உன் இசைவாணர்களின் கீதங்கள் சலசலக்கும் யமுனையோடு கலப்பதில்லை
ஆனாலும் உன் காதல் தூதஞ்சல் காலத்தால் கிழிபடாமல்
தேயாமல்
பேரரசுகளின் எழுச்சியிலும், எழுச்சியிலும் அசராமல் நிற்கிறது
பிறப்பு, மரணம் என எம்பி விழும் வாழ்வலைகளில் வசப்படாமல் நிற்கிறது
காலங்காலமாக உன் காதலின் செய்தியை காக்கிறது:
உன்னை இமைப்பொழுதும் மறவேன் ஆருயிரே. எப்போதும் மறவேன்!
வங்கமொழி மூலம்: தாகூர்
ஆங்கில மொழியாக்கம்: Kshithish Roy
தமிழில்: பூ.கொ.சரவணன்
 
புகைப்பட நன்றி: சந்தீபா சேத்தன் (http://sandeepachetan.com/taj-mahal-photography-tips/)

காதல் தாஜ்மகால் தந்த ஷாஜகான் !


ஷாஜகானின் நினைவுதினம் ஜனவரி இருபத்தி இரண்டு  ; வரலாற்று ஆசிரியர்கள் அவரின் ஆட்சியை முகலாய மன்னர்களிலேயே பொற்கால ஆட்சி என குறிக்கிறார்கள். ஜஹாங்கீர் பெற்ற மூன்றாவது பிள்ளை இவர் . இவரின் அண்ணன் அப்பாவுடன் சண்டையிட்டு அவரின் கோபத்துக்கு உள்ளான காலத்தில் இவர் அமைதி காத்து நல்ல பெயர் சம்பாதித்து கொண்டார் .

அப்பாவுக்கு எதிராக புரட்சி செய்து அதில் தோல்வி கண்டார் ; அப்பா ஜகாங்கீர் இறக்கும் தருவாயில் அவரின் மனைவி நூர்ஜஹான் ஆட்சியை தன் கட்டுப்பாட்டில் வைத்திருக்க நினைத்ததை முறியடித்து அரசர் ஆனார் . ஆசப் கானின் மகளை இவர் மணந்தார் ; அவருக்கு முன்னமே மனைவிகள் இருந்தாலும் மும்தாஜ் என பிற்காலத்தில் அழைக்கப்பட இருக்கும் அவரின் மகளை மணந்தார் .

பதினான்கு பிள்ளைகளை பெற்று தந்து அவள் இறந்து போனாள் ;அவள் மறைந்த அடுத்த நாளே இவர் முடி வெள்ளையாகி விட்டதாம் .அவரின் நினைவாக தாஜ்மகாலை கட்ட வைத்தார் ஷாஜஹான் ; கூடவே முத்து மசூதியை ,செங்கோட்டையை,இன்றைக்கு பழைய டெல்லி என அழைக்கப்படும் பகுதியை உருவாக்கினார் . அவரின் மயிலாசனம் உலகப்புகழ் பெற்றது;தங்கம்,வைரம்,வைடூரியம்,ரத்தினங்கள்,மரகதம் ஆகியவற்றால் இழைக்கப்பட்டது 

இவரின் செல்லப்பிள்ளையாக இருந்தவர் மூத்த மகன் தாரா ஷுகோ ஆனால்,தொடர்ந்து அவுரங்கசீப் இவரின் கடுப்பிற்கு உள்ளானார்; மகள் தீவிபத்தில் காயமுற்ற பொழுது பலநாள் கழித்து அவுரங்கசீப் வர அது இன்னமும் பகைமையை வளர்த்தது .இவர் உடல்நலம் சரியில்லாத பொழுது இவரை மறைத்து வைத்துக்கொண்டு ஷுகோ ஏமாற்றுவதாக நினைத்து பிள்ளைகள் போர் தொடுக்க இறுதியில் அவுரங்கசீப் அப்பாவை சிறை வைத்தார். சில நாள் முற்றுகையில் தண்ணீர் மற்றும் உணவுப்பஞ்சம் உண்டானது. “நீர்க்கடன் செய்யும் நாட்டில் குடிக்க நீர் கூட இல்லாமல் தவிக்க விடுகிறானே இவன்” என புலம்பினார் 

அவர் படுத்திருக்கும் இடத்திலிருந்து பார்த்தால் தாஜ்மகால் மட்டுமே தெரியும் வண்ணம் படுக்க விட்டது மட்டுமே அவருக்கு கொடுக்கப்பட்ட சலுகை ,; அவர் அன்பு மகள் மட்டுமே வந்து பார்த்து செல்வாள் ; கருப்பு தாஜ்மகால் ஒன்றை எதிரில் உருவாக்கி அதில் தன்னை புதைக்க வேண்டும் என ஆசைப்பட்டார் அவர் .அது வீண் செலவு என மறுத்தார் அவரின் மகன் .ஒருநாள் காலை அவரின் ,மனைவியின் கல்லறை இருந்த திசை நோக்கி பார்த்தபடியே இறந்துகிடந்தார் அவர்

தாஜ்மகால் பற்றி சில சுவையான டிட் பிட்ஸ் இங்கே :

தாஜ்மகாலுக்கான நிலத்தை அம்பர் ராஜா மான்சிங்கின் இடம். அங்கே பெறப்பட்ட நிலத்துக்கு பதிலாக நான்கு அரண்மனைகள் அவருக்கு தரப்பட்டன. 

மும்தாஜின் உடலை தாஜ்மகாலின் அடித்தளம் அமைக்கிற பொழுது மூன்றாவது முறையாக அடக்கம் செய்தார்கள். அதற்கு முன்னர் செய்னாபாத் தோட்டம்,ஆக்ரா ஆகிய இடங்களில் அவரின் உடல் வைக்கப்பட்டிருந்து பிறகே தாஜ்மகால் உருவாக்கம் நிகழ்ந்ததும் வந்து சேர்ந்தது. உண்மையில் அடையாள சமாதி ஒன்றும்,நிஜ சமாதி அடித்தளத்திலும் மும்தாஜுக்கு உண்டு. ஷாஜகானின் சமாதி மன்னர் என்பதால் சற்றே உயரமாக இருக்கும். 

தாஜ்மகாலின் மினார்கள் அதனருகில் இருப்பதை பார்த்திருக்கலாம். அவை நிலநடுக்கும் வந்து சாய நேரிட்டால் வெளிப்புறமாக சாயும் வகையில் வடிவமைக்கபட்டு இருக்கிறது. தாஜ்மகாலுக்கு சேதம் வராமல் இருக்க இப்படியொரு ஏற்பாடு. 

வெனிஸ் நகர சிற்பி வெரோனியோ, துருக்கியக் கட்டடக் கலைஞர் உஸ் தாத் இஸா அஃபாண்டி, லாகூர் கலைஞர் உஸ்தாத் அஹமத் ஆகியோர் தாஜ்மகாலுக்கு வரைபடம் போட்டவர்களாக உச்சரிக்கப்படும் பெயர்கள் 

அமனாத்கான் எனும் இரானிய வல்லுனரின் கையெழுத்தில் குரான் வாசகங்கள் பொறிக்கப்பட்டுள்ளன. தாஜ்மகாலில் இருக்கும் ஒரே கையெழுத்து அவருடையது தான். 

நுழைவாயில் கட்ட ஆறுவருடம்,தோட்டத்தை முடிக்க ஐந்து வருடம் என்று எல்லாமும் சேர்ந்து இருபத்தி இரண்டு வருடங்களில் தாஜ்மகால் எழுந்தது 

தாஜ்மகாலை அப்படியே கழட்டிக்கொண்டு ஐரோப்பாவுக்கு எடுத்துப்போய் விடலாம் என்றும்,இடித்து விடலாம் என்றும் திட்டங்கள் பென்டின்க் காலத்தில் எழுந்தன. பின்னர் அவை கைவிடப்பட்டன

Photo: ஷாஜகானின் நினைவுதினம் இன்று ; வரலாற்று ஆசிரியர்கள் அவரின் ஆட்சியை முகலாய மன்னர்களிலேயே பொற்கால ஆட்சி என குறிக்கிறார்கள். ஜஹாங்கீர் பெற்ற மூன்றாவது பிள்ளை இவர் . இவரின் அண்ணன் அப்பாவுடன் சண்டையிட்டு அவரின் கோபத்துக்கு உள்ளான காலத்தில் இவர் அமைதி காத்து நல்ல பெயர் சம்பாதித்து கொண்டார் .

அப்பாவுக்கு எதிராக புரட்சி செய்து அதில் தோல்வி கண்டார் ; அப்பா ஜகாங்கீர் இறக்கும் தருவாயில் அவரின் மனைவி நூர்ஜஹான் ஆட்சியை தன் கட்டுப்பாட்டில் வைத்திருக்க நினைத்ததை முறியடித்து அரசர் ஆனார் . ஆசப் கானின் மகளை இவர் மணந்தார் ; அவருக்கு முன்னமே மனைவிகள் இருந்தாலும் மும்தாஜ் என பிற்காலத்தில் அழைக்கப்பட இருக்கும் அவரின் மகளை மணந்தார் .

பதினான்கு  பிள்ளைகளை பெற்று தந்து அவள் இறந்து போனாள் ;அவள் மறைந்த அடுத்த நாளே இவர் முடி வெள்ளையாகி விட்டதாம் .அவரின் நினைவாக தாஜ்மகாலை கட்ட வைத்தார் ஷாஜஹான் ; கூடவே முத்து மசூதியை ,செங்கோட்டையை,இன்றைக்கு பழைய டெல்லி என அழைக்கப்படும் பகுதியை உருவாக்கினார் . அவரின் மயிலாசனம் உலகப்புகழ் பெற்றது;தங்கம்,வைரம்,வைடூரியம்,ரத்தினங்கள்,மரகதம் ஆகியவற்றால் இழைக்கப்பட்டது 

 இவரின் செல்லப்பிள்ளையாக இருந்தவர் மூத்த மகன் தாரா ஷுகோ ஆனால்,தொடர்ந்து அவுரங்கசீப் இவரின் கடுப்பிற்கு உள்ளானார்; மகள் தீவிபத்தில் காயமுற்ற பொழுது பலநாள் கழித்து அவுரங்கசீப் வர அது இன்னமும் பகைமையை வளர்த்தது .இவர் உடல்நலம் சரியில்லாத பொழுது இவரை மறைத்து வைத்துக்கொண்டு ஷுகோ ஏமாற்றுவதாக நினைத்து பிள்ளைகள் போர் தொடுக்க இறுதியில் அவுரங்கசீப் அப்பாவை சிறை வைத்தார். சில நாள் முற்றுகையில் தண்ணீர் மற்றும் உணவுப்பஞ்சம் உண்டானது. "நீர்க்கடன் செய்யும் நாட்டில் குடிக்க நீர் கூட இல்லாமல் தவிக்க விடுகிறானே இவன்" என புலம்பினார் 

அவர் படுத்திருக்கும் இடத்திலிருந்து பார்த்தால் தாஜ்மகால் மட்டுமே தெரியும் வண்ணம் படுக்க விட்டது மட்டுமே அவருக்கு கொடுக்கப்பட்ட சலுகை ,; அவர் அன்பு மகள் மட்டுமே வந்து பார்த்து செல்வாள் ; கருப்பு தாஜ்மகால் ஒன்றை எதிரில் உருவாக்கி அதில் தன்னை புதைக்க வேண்டும் என ஆசைப்பட்டார் அவர் .அது வீண் செலவு என மறுத்தார் அவரின் மகன்  .ஒருநாள் காலை அவரின் ,மனைவியின் கல்லறை இருந்த திசை நோக்கி பார்த்தபடியே இறந்துகிடந்தார் அவர்

தாஜ்மகால் பற்றி சில சுவையான டிட் பிட்ஸ் இங்கே :

தாஜ்மகாலுக்கான நிலத்தை அம்பர் ராஜா மான்சிங்கின் இடம். அங்கே பெறப்பட்ட நிலத்துக்கு பதிலாக நான்கு அரண்மனைகள் அவருக்கு தரப்பட்டன. 

மும்தாஜின் உடலை தாஜ்மகாலின் அடித்தளம் அமைக்கிற பொழுது மூன்றாவது முறையாக அடக்கம் செய்தார்கள். அதற்கு முன்னர் செய்னாபாத் தோட்டம்,ஆக்ரா ஆகிய இடங்களில் அவரின் உடல் வைக்கப்பட்டிருந்து பிறகே தாஜ்மகால் உருவாக்கம் நிகழ்ந்ததும் வந்து சேர்ந்தது. உண்மையில் அடையாள சமாதி ஒன்றும்,நிஜ சமாதி அடித்தளத்திலும் மும்தாஜுக்கு உண்டு. ஷாஜகானின் சமாதி மன்னர் என்பதால் சற்றே உயரமாக இருக்கும்.  

தாஜ்மகாலின் மினார்கள் அதனருகில் இருப்பதை பார்த்திருக்கலாம். அவை நிலநடுக்கும் வந்து சாய நேரிட்டால் வெளிப்புறமாக சாயும் வகையில் வடிவமைக்கபட்டு இருக்கிறது. தாஜ்மகாலுக்கு சேதம் வராமல் இருக்க இப்படியொரு ஏற்பாடு. 

வெனிஸ் நகர சிற்பி வெரோனியோ, துருக்கியக் கட்டடக் கலைஞர் உஸ் தாத் இஸா அஃபாண்டி, லாகூர் கலைஞர் உஸ்தாத் அஹமத் ஆகியோர் தாஜ்மகாலுக்கு வரைபடம் போட்டவர்களாக உச்சரிக்கப்படும் பெயர்கள் 

அமனாத்கான் எனும் இரானிய வல்லுனரின் கையெழுத்தில் குரான் வாசகங்கள் பொறிக்கப்பட்டுள்ளன. தாஜ்மகாலில் இருக்கும் ஒரே கையெழுத்து அவருடையது தான். 

நுழைவாயில் கட்ட ஆறுவருடம்,தோட்டத்தை முடிக்க ஐந்து வருடம் என்று எல்லாமும் சேர்ந்து இருபத்தி இரண்டு வருடங்களில் தாஜ்மகால் எழுந்தது 

தாஜ்மகாலை அப்படியே கழட்டிக்கொண்டு ஐரோப்பாவுக்கு எடுத்துப்போய் விடலாம் என்றும்,இடித்து விடலாம் என்றும் திட்டங்கள் பென்டின்க் காலத்தில் எழுந்தன. பின்னர் அவை கைவிடப்பட்டன

இந்திரா பார்த்தசாரதி பார்வையில் ஔரங்கசீப் !


இந்திரா பார்த்தசாரதி அவர்களின் ஔரங்கசீப் நாடகத்தை வாசித்தேன். எப்பொழுதும் ஒற்றைப்படையாகவே வரலாறு நமக்கு கற்பிக்கப்படுகிறது. பெரும்பான்மை தவறுகளை முக்கியத்துவப்படுத்தி படித்துவிட்டு நகர்வதே நமக்கான பாடபாணி. ஆனால்,அப்படி ஒரு மனிதன் செயல்படுவதற்கு காரணமென்ன என்று யோசித்திருக்கிறோமா ? அவன் ஏன் அப்படி மாறினான் என்று ஆய்வது வேறொரு கோணத்தை தரும் என்பதை அழகாக நாடகமாக் ஆக்கியுள்ளார் இபா. 

ஷாஜகான் எந்த பிள்ளையிடமும் உண்மையான நேசத்தோடு இருந்தாரா என்று கேள்வி எழுப்பபடுகிறது. ஜஹானாரா மட்டும் மும்தாஜை போல இருக்கிறாள் என்று அவர் கனிவாக இருந்தார் என்று அவள் வாயாலே சொல்லவைக்கிறார். கருப்பு மகாலை கட்டவேண்டும் என்று வீண் ஆடம்பரத்தில் ஈடுபட்ட அவர் மக்களைப்பற்றி என்றுமே கவலைப்படவில்லை அது ஏன் என்று இன்னொரு மகள் கேட்கிறாள். தாரா “அஹம் பிரம்மசாமி !” என்று இஸ்லாமுக்கு எதிராக தெய்வம் தான் தான் என்று சொன்னதால் “நீ காஃபிர் !” என்று ஔரங்கசீப் அவரை அழைக்கிறான். அப்பொழுது ஜலாலுதீன் ரூமியும் அதையே சொல்கிறார் அவர் சூபியா காபிரா என்று கேட்டதும் அவரும் காபிரே என்கிறான் . “உண்மையை உணர்ந்தவர்கள் சூஃபிகளாக இருந்தால் என்ன, காஃபிர்களாக இருந்தால் என்ன, அதைப்பற்றி நான் கவலைப்படவில்லை.” என்று திருப்பி பதில் தருகிறான் தாரா. 

மதத்துரோகி என்று தாராவை ஔரங்கசீப் அழைத்த பொழுது தாரா ஔரங்கசீப்பை நோக்கி “அன்பால் நிறைப்பவன் இறைவன் என்று உணராமல் ஒரே கொள்கை,ஒரே மதம்,ஒரே மொழி என்று நடக்காத கனவை துரத்துகிறாய் நீ ! துரோகிகள் என்று நீ மதத்தை வைத்து சொல்கிறாய் . இந்துக்கள்,இஸ்லாமியர்கள் இருவருமே தான் துரோகம் செய்திருக்கிறார்கள். நீயும் போலித்தனம் கொண்டு இயல்பான மன்னனைப்போலவே நடந்து கொள்கிறாய் ஔரங்கசீப் !” என்கிறான் அவன் 

ஔரங்கசீப் எந்த போர் தொடுத்தாலும் அதை குறை சொல்வது அவனை மகனாகவே நடத்தாதது,முடிந்தால் கொல்லச்சொல்லி உத்தரவு போடுவது,தாரா சொன்னதைக்கேட்டு அவனை தொடர்ந்து சந்தேகப்படுவது,சிக்கனத்தின் சிகரத்தை ஊதாரி என்று அவதூறு கிளப்பியது எல்லாம் அவனை மிகவும் கடினமானவனாக ஆக்குகிறது என்று காட்சிப்படுத்துகிறார் இபா . நந்தன் சரித்திரம் நூலில் இடம்பெற்றிருப்பதாக சொல்லியிருக்கிறார்கள். அதைத்தேடி தேடி ககானாமல் போனது என்பது மட்டுமே தெரிந்தது  

கிழக்கு வெளியீடு 
விலை ரூபாய் நூறு 
பக்கங்கள் : 160 (எனக்கு வாசிக்க கிடைத்தது ஒரு எண்பது சொச்சம் பக்கங்கள் தான் ! நந்தனை காணோம்  ) ஏற்கனவே சுஜாதா நாவலான இதன் பெயரும் கொலை நாவலிலும் கிழக்கின் புத்தகத்தோடு இப்படி ஒரு அனுபவம் உண்டு ! கடைசி பக்கங்கள் சில அப்படியே காணோம் !